MI vs DC: ఇండియన్ ప్రీమియర్ లీగ్ (IPL 2025) 63వ మ్యాచ్‌ ముంబై ఇండియన్స్ వర్సెస్ ఢిల్లీ క్యాపిటల్స్ మధ్య జరిగింది. ఈ మ్యాచ్‌లో ముంబై ఇండియన్స్ జట్టు ఢిల్లీ క్యాపిటల్స్‌ను ఓడించి తమ ప్లేఆఫ్ టిక్కెట్‌ను ఖరారు చేసుకుంది. ముంబైలోని వాంఖడే స్టేడియంలో జరిగిన ఈ మ్యాచ్‌లో ఢిల్లీ టాస్ గెలిచి బౌలింగ్ ఎంచుకుంది. ఈ మ్యాచ్‌లో అక్షర్ స్థానంలో ఫాఫ్ డుప్లెసిస్ కెప్టెన్‌గా ఉన్నాడు. మొదట బ్యాటింగ్ చేసిన ముంబై 181 పరుగుల లక్ష్యాన్ని నిర్దేశించింది. అనంతరం ఛేజింగ్‌కు దిగిన ఢిల్లీ 121 పరుగులకే చేతులెత్తేసింది. బుమ్రా, సాంట్నర్ అద్భుతంగా బౌలింగ్ చేయడంతో ముంబై 59 పరుగుల తేడాతో గెలిచింది.

ముందుగా బ్యాటింగ్‌కు దిగిన ముంబై జట్టు ఓపెనర్లు రోహిత్ శర్మ, రియాన్ రికెల్టన్ అద్భుతంగా బ్యాటింగ్ చేశారు. కానీ మూడో ఓవర్లోనే తొలి ఎదురుదెబ్బ తగిలింది. రోహిత్ శర్మ 5 పరుగులు చేసి ఔటయ్యాడు. దీని తర్వాత విల్ జాక్స్, రికెల్టన్ మంచి భాగస్వామ్యాన్ని నెలకొల్పారు. 5 ఓవర్లలో జట్టు స్కోరు 46 పరుగులకు చేరుకుంది. కానీ ఆరో ఓవర్లోనే విల్ జాక్స్(21) వికెట్ కోల్పోయాడు. దీని తర్వాత మరుసటి ఓవర్లోనే, రికెల్టన్‌(25)ను కుల్దీప్ యాదవ్ అవుట్ చేశాడు. అనంతరం సూర్యకుమార్ యాదవ్, తిలక్ వర్మ మధ్య మంచి భాగస్వామ్యం ఏర్పడింది. 10 ఓవర్లు ముగిసేసరికి ముంబై స్కోరు 80-3గా ఉంది. ఓ వైపు వికెట్లు పడుతున్నా సూర్య తన బ్యాట్‌తో విజృంభించాడు. అద్భుతంగా యాభై పరుగులు సాధించాడు. ఇలా ముంబై 181 పరుగుల లక్ష్యాన్ని నిర్దేశించింది. సూర్య 73 పరుగులతో అజేయంగా ఇన్నింగ్స్ ఆడాడు.

181 పరుగుల లక్ష్యాన్ని ఛేదించే క్రమంలో ఢిల్లీ జట్టుకు ఆరంభంలోనే గట్టి దెబ్బ తగిలింది. రెండో ఓవర్లోనే దీపక్ చాహర్.. కెప్టెన్ ఫాఫ్‌కు పెవిలియన్‌కు చేర్చాడు. ఫాఫ్ బ్యాట్ నుండి కేవలం 6 పరుగులు మాత్రమే వచ్చాయి. మూడవ ఓవర్లో బోల్ట్.. కెఎల్ రాహుల్‌ను అవుట్ చేశాడు. ఆ తర్వాత అభిషేక్ పోరెల్ కూడా రాణించలేకపోయాడు. ఆ తర్వాత సాంట్నర్ విప్రజ్‌ను అవుట్ అయ్యాడు. ఇలా ఢిల్లీ జట్టు బ్యాటర్లు అతి తక్కువ పరుగులకే పరిమితం అవ్వడంతో గెలవలేకపోయింది.

4 జట్లు ప్లేఆఫ్స్‌లో

ప్లేఆఫ్స్‌లో 4 జట్ల స్థానం ఖాయం అయింది. గుజరాత్ టైటాన్స్, పంజాబ్ కింగ్స్, ఆర్‌సిబి ఇప్పటికే అర్హత సాధించాయి. నాల్గవ స్థానం కోసం ముంబై, ఢిల్లీ మధ్య పోటీ జరిగింది. ముంబైకి 14 పాయింట్లు, ఢిల్లీకి 13 పాయింట్లు ఉన్నాయి. రెండు జట్లకు 2-2 మ్యాచ్‌లు మిగిలి ఉన్నాయి. కానీ ఈ మ్యాచ్‌లో ముంబై విజయంతో ఇప్పుడు 13 మ్యాచ్‌ల్లో 16 పాయింట్లతో ప్లేఆఫ్‌కు అర్హత సాధించింది. అంటే ఇప్పుడు ప్లేఆఫ్స్‌కు గుజరాత్, పంజాబ్, ఆర్‌సిబి, ముంబై పేర్లు ఖరారు అయ్యాయి.