బోయపాటి శ్రీను, బాలకృష్ణ కాంబినేషన్ కు ఉండే క్రేజే వేరు. మరోసారి వీళ్లు బాక్సాఫీస్ ను షేక్ చేసేందుకు సిద్ధమయ్యారు. ‘అఖండ 2’తో వచ్చేస్తున్నారు. ఈ చిత్రాన్ని రామ్ ఆచంట, గోపీచంద్ ఆచంట 14 రీల్స్ ప్లస్ బ్యానర్ పై నిర్మిస్తున్నారు. వీరిద్దరి కాంబినేషన్లో వచ్చిన ‘అఖండ’ ఎంతటి ఘన విజయం సాధించిందో ప్రత్యేకంగా చెప్పాల్సిన పనిలేదు. ఈ సినిమా బాలయ్యను కంబ్యాక్ చేసింది.
ఈ చిత్రం అఖండ 2 దసరా సందర్భంగా గ్రాండ్గా రిలీజ్ కానుంది. ఈ చిత్రం సెప్టెంబర్ 25న ప్రేక్షకుల ముందుకు రానుంది. ఈ నేపథ్యంలో మేకర్స్ బాలకృష్ణ పుట్టినరోజు సందర్భంగా ఈ చిత్రం నుండి ప్రత్యేక టీజర్ను విడుదల చేసింది.
అంచనాలకు తగ్గట్టుగా దర్శకుడు బోయపాటి శ్రీను అభిమానులు కోరుకున్నది అందించారు. ఈ టీజర్ లో బాలకృష్ణను హిమాలయాలలో పరిచయం చేస్తున్నారు. బాలకృష్ణ ఒక ఋషి గెటప్ లో గూండాలతో పోరాడుతున్నట్లు కనిపిస్తున్నారు. ఈ టీజర్లో బాలయ్య పవర్ఫుల్ వ్యక్తిగా కనిపిస్తున్నాడు. గూండాలు కొన్ని హై ప్రొఫైల్ ఆయుధాలను పట్టుకుని కనిపించగా వారందరినీ ఒకేసారి పైపైకి లేపి చేసిన ఫైట్ ఓ రేంజ్లో ఉంది.
టీజర్ బట్టి ఈ చిత్రం ఫుల్ యాక్షన్ డ్రామా అని తెలిసింది. అఖండ పార్ట్ 1 లో బాలకృష్ణను సాధారణ గెటప్లో కూడా చూశాం. కానీ ఈసారి సెకండ్ పార్ట్లో బాలకృష్ణను సినిమా అంతటా సాధువు గెటప్లో చూడబోతున్నట్లు తెలుస్తోంది. టీజర్లో థమన్ అందించిన బ్యాక్ గ్రౌండ్ మ్యూజిక్ అద్భుతంగా ఉంది. ఇది మరింత బజ్ క్రియేట్ చేసింది.
