హృతిక్ రోషన్, ఎన్టీఆర్ కలిసి నటిస్తున్న భారీ యాక్షన్ చిత్రం వార్ 2. ఈ మూవీ నుంచి మొదటి పాట “ఊపిరి ఊయలగా” విడుదలైంది. ఈ పాట హృతిక్ రోషన్, కియారా అద్వాణీ లపై ఇటలీలోని అందమైన లొకేషన్లలో చిత్రీకరించారు. ఈ పాట విడుదలైన కొద్ది గంటల్లోనే ప్రేక్షకులను విశేషంగా ఆకట్టుకుంటోంది.
“ఊపిరి ఊయలగా” ఒక రొమాంటిక్ మెలోడీ పాటకు తెలుగు లిరిక్స్ ప్రముఖ గేయ రచయిత చంద్రబోస్ అందించారు. శశ్వంత్ సింగ్, నిఖితా గాంధీ తమ మధురమైన స్వరాలతో పాటకు ప్రాణం పోశారు. ఈ పాట వినడానికి చాలా ఆహ్లాదకరంగా ఉండడమే కాకుండా, విజువల్గా కూడా అద్భుతంగా ఉంది.
ఈ పాటలో హృతిక్ రోషన్, కియారా అద్వాణీ మధ్య కెమిస్ట్రీ అదిరిపోయింది. ఇటలీలోని సుందరమైన ప్రదేశాలలో వారిద్దరూ ప్రేమలో మునిగితేలుతూ కనిపించారు. పాటలో కొన్ని బోల్డ్ సన్నివేశాలు, ముఖ్యంగా కియారా బికినీలో కనిపించడం యూత్ను ఆకట్టుకుంటున్నాయి. హృతిక్ స్టైలిష్ లుక్, కియారా అందం ఈ పాటకు అదనపు ఆకర్షణగా నిలిచాయి. వారిద్దరి రొమాంటిక్ సన్నివేశాలు పాటకు మరింత వన్నె తెచ్చాయి.
ఈ పాటకు ప్రీతమ్ సంగీతం అందించారు. పాటలోని మ్యూజిక్ చాలా సాఫ్ట్గా, ఎమోషనల్గా సాగుతుంది. సినిమాకు భారీ బడ్జెట్ కేటాయించినట్లు పాట విజువల్స్ ద్వారా స్పష్టమవుతుంది. అత్యద్భుతమైన లొకేషన్లు, రిచ్ ప్రొడక్షన్ వాల్యూస్ పాటకు హైలైట్గా నిలిచాయి.
“ఊపిరి ఊయలగా” ఒక అద్భుతమైన రొమాంటిక్ సాంగ్. హృతిక్ రోషన్, కియారా అద్వాణీ జోడీ, వారి కెమిస్ట్రీ, అందమైన విజువల్స్ ఈ పాటను ఓ హిట్ నంబర్గా మార్చాయి. ఈ పాట విడుదలైన తర్వాత “వార్ 2” చిత్రంపై అంచనాలు మరింత పెరిగాయి. ముఖ్యంగా హృతిక్, ఎన్టీఆర్ లాంటి దిగ్గజ నటులు కలిసి నటిస్తున్న ఈ సినిమా నుంచి వచ్చిన మొదటి పాట ప్రేక్షకులను మెప్పించింది. “వార్ 2” ఆగస్టు 14న ప్రపంచవ్యాప్తంగా హిందీ, తెలుగు, తమిళ భాషల్లో విడుదల కానుంది. ఈ పాట సినిమాపై ఉన్న ఆసక్తిని మరింత పెంచిందనడంలో సందేహం లేదు.
