కోలీవుడ్ స్టార్ హీరో అజిత్ కుమార్ వరుస సినిమాలతో దూసుకుపోతున్నాడు. హిట్టు ఫ్లాపులతో సంబంధం లేకుండా అదరగొడుతున్నాడు. అతడు గతంలో నటించిన విడాముయార్చి సినిమా పెద్దగా ప్రేక్షకులను అలరించలేకపోయింది. ఎన్నో అంచనాలతో తెరకెక్కిన ఈ చిత్రం బాక్స్ ఆఫీస్ వద్ద పేవలమైన రెస్పాన్స్ అందుకుంది.
దీని తర్వాత అజిత్ మరొక కొత్త సినిమాతో ప్రేక్షకులను అలరించాడు. ఆదిక్ దర్శకత్వంలో గుడ్ బ్యాడ్ అగ్లీ అనే సినిమా చేశాడు. ఈ సినిమా భారీ అంచనాలతో తెరకెక్కింది. టాలీవుడ్ అగ్ర నిర్మాణ సంస్థ మైత్రి మూవీ మేకర్స్ ఈ సినిమా నిర్మాణంతో కోలీవుడ్లోకి ఎంట్రీ ఇచ్చింది. మొదట నుంచి మంచి రెస్పాన్స్ అందుకున్న ఈ చిత్రం ప్రేక్షకులను విపరీతంగా ఆకట్టుకుంది.
ఏప్రిల్ 10వ తేదీన ప్రపంచవ్యాప్తంగా రిలీజ్ అయిన ఈ చిత్రం ఫస్ట్ షో నుంచే బ్లాక్ బస్టర్ హిట్ టాక్ తెచ్చుకుంది. ఇందులో అజిత్ పవర్ ఫుల్ పాత్రలో నటించి అదరగొట్టేసాడు. తమ ఫ్యాన్స్ ఎలా చూడాలనుకున్నారో అలాంటి లుక్కులో దర్శనమిచ్చి సర్ప్రైజ్ చేశాడు. ఇక ఈ చిత్రం టాక్ కు తగ్గట్టుగానే కలెక్షన్స్ రాబట్టింది. రిలీజ్ అయిన పది రోజుల్లోనే దాదాపు 200 కోట్ల రూపాయల మార్కును రాబట్టింది.
థియేటర్లలో బ్లాక్ బస్టర్ హిట్గా నిలిచిన ఈ చిత్రం ఇప్పుడు ఓటిటి లోకి వచ్చేందుకు సిద్ధమైంది. ఈ మూవీ డిజిటల్ రైట్స్ ను ప్రముఖ ఓటీటి సంస్థ నెట్ఫ్లిక్స్ భారీ ధరకు కొనుగోలు చేసింది. ఇందులో భాగంగానే తాజాగా ఈ మూవీ స్ట్రీమింగ్ డేట్ ను నెట్ ఫ్లిక్స్ రిలీజ్ చేసింది. ఈ చిత్రాన్ని మే 8 వ తేదీన నెట్ఫ్లిక్స్ లో స్ట్రీమింగ్ చేస్తున్నట్లు వెల్లడించింది. మరోవైపు ఇప్పటికే ఈ సినిమా థియేటర్లలో బంపర్ రెస్పాన్స్ తో దూసుకుపోతుంది. ఓటిటిలో ఎలాంటి రెస్పాన్స్ అందుకుంటుందో చూడాలి.
