ODELA 2 Movie Press-Meet: తమన్నా భాటియా హైలీ యాంటిసిపేటెడ్ మూవీ ‘ఓదెల 2’లో నెవర్ బిఫోర్ క్యారెక్టర్‌లో అలరించడానికి సిద్ధమైంది. సూపర్ నాచురల్ థ్రిల్లర్ ‘ఓదెల రైల్వే స్టేషన్’కి సీక్వెల్ ఇది. అశోక్ తేజ దర్శకత్వంలో, మధు క్రియేషన్స్, సంపత్ నంది టీమ్‌ వర్క్స్‌పై డీ మధు నిర్మించిన ఈ చిత్రం, ప్రతి అప్‌డేట్‌తో హ్యుజ్ బజ్ క్రియేట్ చేస్తున్నది. తమన్నా నాగ సాధువుగా, మిస్టరీ ఎనర్జీతో కూడిన పాత్రను పోషిస్తున్నది. ఈ సినిమా టీజర్ అంచనాలని నెక్స్ట్ లెవెల్‌కు తీసుకెళ్ళింది. ఈ వేసవిలో బిగ్గెస్ట్ ఎట్రాక్షన్‌లలో ఒకటిగా ఏప్రిల్ 17న ఓదెల 2 థియేటర్స్లో విడుదల కానుంది. శనివారం చిత్ర బృందం ప్రెస్ మీట్ నిర్వహించింది. తమన్నా మాట్లాడుతూ, ‘‘ఓదెల సినిమాని డైరెక్టర్ అశోక్ చాలా అద్భుతంగా తీశారు. ఆ సినిమా చూసినప్పుడే దానికి పార్ట్ 2 ఉండాలని భావించాను. సంపత్ నంది పార్ట్ 2 ఐడియా చెప్పినప్పుడు ఎక్సైటింగ్‌గా అనిపించింది. ఇది ఈజీ జోనర్ కాదు. ఒక పల్లెటూరి కథని ఇంత థ్రిల్లింగ్‌గా చెప్పడం మామూలు విషయం కాదు’’ అని తెలిపింది.
సంపత్ నంది మాట్లాడుతూ, ఈ సినిమా టీజర్‌కు ఆర్గానిక్‌గా చాలా అద్భుతమైన రెస్పాన్స్ వచ్చిందని తెలిపాడు. దీనికి కారణం మీడియా, ప్రేక్షకులు, లార్డ్ శివ. ఈ సినిమా గురించి మంచి మాటలు రాసిన మీడియా వారందరికీ ధన్యవాదాలు తెలుపుతున్నాను. ఓదెల సినిమా నాకు ఒక ఎమోషన్. నేను ఆ ఊర్లో పుట్టి పెరిగాను. చాలా గౌరవంగా ప్రేమతో ఈ సినిమాని రాసి తీయడం జరిగింది. ఊరిని కాపాడేది ఆ ఊర్లో ఉన్న ఇలవేల్పు దేవుడి గుడి. ఒక లైన్ లో చెప్పాలంటే.. ఓదెల విలేజ్‌లో ఒక కష్టం వస్తే ఆ కష్టం పెద్దదైతే ఆ ఊరిలో ఉన్న ఓదెల మల్లన్న నాగ సాధు క్యారెక్టర్ ద్వారా ఎలా పరిష్కరించారనే అనేది కథ. కంటెంట్, స్క్రీన్ ప్లే, విజువల్ వండర్‌గా ఉంటాయి. సౌందర్ రాజన్ చాలా అద్భుతమైనటువంటి విజువల్స్ ఇచ్చారు.
అజినీష్ అద్భుతమైన మ్యూజిక్ చేస్తున్నారు. ఏప్రిల్ 17న ఈ సినిమా ప్రేక్షకుల ముందుకు వస్తుంది. ఇది థియేటర్ ఎక్స్పీరియన్స్ ఉండే మూవీ. సినిమా ప్రేమించే ప్రేక్షకులు ఎక్కడున్నా ఈ చిత్రాన్ని చూసి ఆదరిస్తారని మనస్ఫూర్తిగా కోరుకుంటున్నాను. భైరవి పాత్రలో తమన్నా చాలా అద్భుతంగా నటించారు. ఈ పాత్ర తమన్నా కోసమే పుట్టింది. ఆమెను వెతుక్కుంటూనే వెళ్ళింది. 20 ఏళ్లుగా తమన్నా గొప్ప డెడికేషన్‌తో యాక్టింగ్ చేస్తూ సినిమా పరిశ్రమలో హీరోయిన్‌గా కొనసాగుతుంది. ఇది మామూలు జర్నీ కాదు. నేను పదేళ్ల క్రితం ఏ డెడికేషన్ తనలో చూశానో ఇప్పుడు కూడా అదే డెడికేషన్ తనలో ఉంది. అందుకే గత కొన్నేళ్లగా ఇండస్ట్రీలో మంచి గుర్తింపు తెచ్చుకుంది. తను లేడీ సూపర్ స్టార్ ఆఫ్ టాలీవుడ్ ఇండస్ట్రీ అనిపిస్తుంది. తను మరో 20 ఏళ్లు మనందరినీ ఇలానే ఎంటర్టైన్ చేస్తుందని నమ్ముతున్నాను సంపత్ నంది అన్నారు.
నిర్మాత డి మధు మాట్లాడుతూ.. మహా కుంభమేళాలో రిలీజ్ చేసిన ఈ సినిమా టీజర్‌కి చాలా అద్భుతమైనటువంటి రెస్పాన్స్ వచ్చింది . చాలా ఆర్గానిక్‌గా ఒక విలేజ్‌లో జరిగే స్టొరీ ఇది. కంటెంట్‌ని నమ్ముకుని ఎక్కడా కాంప్రమైజ్ కాకుండా.. ఈ సినిమా చేయడం జరిగింది. ప్రతి ఆర్టిస్టు మాకు ఎంతగానో సపోర్ట్ చేసి షూటింగ్ చేశారు. తమన్నా వచ్చిన తర్వాత బడ్జెట్ గురించి ఇంక ఆలోచించలేదు. తమన్న ఈ సినిమా కోసం కంప్లీట్‌గా ట్రాన్స్ఫర్ అయ్యారు. డిఓపి చాలా అద్భుతమైనటువంటి విజువల్స్ ఇచ్చారు. అజనీష్ బ్యాక్గ్రౌండ్ స్కోరు మ్యూజిక్ అదిరిపోయింది. సంపత్ నందిగారి సూపర్ విజన్, డైరెక్టర్ అశోక్ గారి దర్శకత్వం సినిమాని అద్భుతంగా మలిచి, ఈ చిత్రాన్ని థియేటర్స్లో చూసి ప్రేక్షకులు గొప్పగా ఆస్వాదిస్తారని, ఆదరిస్తారని కోరుకుంటున్నానని అన్నారు.
యాక్టర్ గగన్ మాట్లాడుతూ.. కోవిడ్ సమయంలో చేసిన ఓదెల చాలా పెద్ద హిట్ అయింది. అందరూ ఆ సినిమా గురించి గొప్పగా మాట్లాడుకున్నారు. సంపత్ నంది విజన్ వల్లే అది సాధ్యపడింది. ఓదెల 2 పోస్టర్‌లో తమన్నాని చూసినప్పుడు మళ్లీ హిట్ కొట్టేసాం అని నమ్మకం వచ్చింది. సినిమా షూటింగ్ జరుగుతున్నప్పుడే ఒక ఎక్సైట్మెంటు వస్తుంది. పుష్ప 2 సినిమా షూటింగ్‌ల కూడా అలానే అనిపించింది. కచ్చితంగా ఈ సినిమా చాలా పెద్ద విజయం సాధించబోతుంది. కచ్చితంగా ఈ సినిమా గొప్ప మ్యాజిక్ చేయబోతుంది. సంపత్ నంది ఇలానే అందర్నీ ఎంకరేజ్ చేయాలని కోరుకుంటున్నాను. అశోక్ తేజ డైరెక్షన్లో చేయడం చాలా ఆనందంగా ఉంది. నిర్మాత మధుగారు ఎక్కడా కాంప్రమైజ్ కాకుండా ఈ సినిమాని నిర్మించారు. తమన్న డెడికేషన్‌కి హ్యాట్సాఫ్. తమన్నా గారు నుంచి చాలా విషయాలు నేర్చుకున్నాను. తప్పకుండా ఈ సినిమా చాలా పెద్ద హిట్ కాబోతుంది అన్నారు. ఈ ప్రెస్ మీట్ లో మూవీ యూనిట్ అంతా హాజరయ్యారు.
తారాగణం: తమన్నా భాటియా, హెబా పటేల్, వశిష్ట ఎన్ సింహ, యువ, నాగ మహేష్, వంశీ, గగన్ విహారి, సురేందర్ రెడ్డి, భూపాల్, పూజా రెడ్డి
నిర్మాత: డి మధు
క్రియేటర్: సంపత్ నంది
బ్యానర్లు: మధు క్రియేషన్స్, సంపత్ నంది టీమ్‌వర్క్స్
దర్శకత్వం: అశోక్ తేజ
డిఓపీ: సౌందర్ రాజన్ ఎస్
సంగీతం: అజనీష్ లోక్‌నాథ్
ఆర్ట్ డైరెక్టర్: రాజీవ్ నాయర్
పీఆర్వో: వంశీ-శేఖర్
మార్కెటింగ్: ఫస్ట్ షో
