విజయ్ దేవరకొండ హీరోగా నటిస్తున్న కొత్త సినిమా ‘కింగ్డమ్’. గౌతమ్ తిన్ననూరి దర్శకత్వం వహిస్తున్నారు. ఈ చిత్రం పవర్ఫుల్ స్పై యాక్షన్ చిత్రంగా ప్రేక్షకుల ముందుకు రానుంది. ఇప్పటికే ఈ చిత్రం నుంచి వచ్చిన టీజర్, సాంగ్ సినిమాపై అంచనాలు పెంచేసింది. ఈ మూవీలో విజయ్ దేవరకొండ సరసన బాగ్యశ్రీ బోర్సే హీరోయిన్గా నటిస్తోంది.
ఈ సినిమా దాదాపు రూ.100 కోట్లకు పైగా బడ్జెట్తో నిర్మిస్తున్నారు. సితార ఎంటర్టైన్మెంట్స్, ఫార్చ్యూన్ ఫోర్ క్రియేషన్స్ బ్యానర్లపై నాగవంశీ, సాయి సౌజన్య కలిసి భారీ బడ్జెట్తో నిర్మిస్తున్నారు. ఈ చిత్రం తెలుగు, హిందీ, తమిళం, కన్నడ, మలయాళం భాషల్లో రిలీజ్ కానుంది. మరో హీరో సత్యదేవ్ ఈ చిత్రంలో ఓ కీలకపాత్రలో కనిపించనున్నట్టు సమాచారం.
ఇదిలా ఉంటే ఈ సినిమా రిలీజ్కు ఎక్కడికక్కడే ఆటంకాలు ఎదురవుతున్నాయి. ఎప్పుడో రిలీజ్ కావాల్సిన ఈ చిత్రం ఆలస్యమవుతూనే ఉంది. ఇప్పటికే రెండుసార్లు వాయిదా పడింది. మొదట ఈ మూవీని మార్చి 28న రిలీజ్ చేయనున్నట్లు మేకర్స్ తెలిపారు. కానీ అప్పుడు రిలీజ్ కాలేదు. ఆ తర్వాత జూలై 4న విడుదల చేస్తామని గత నెలలోనే మూవీ టీమ్ ఖరారు చేసింది.
అయితే ఆ తేదీకి ఈ సినిమా రిలీజ్ కాదని ఓ న్యూస్ నెట్టింట చక్కర్లు కొడుతోంది. కింగ్డమ్ సినిమా జూలై 4 నుంచి వాయిదా పడడం ఖాయమని చర్చ సాగుతోంది. ఈ సినిమా రిలీజ్ను అదే నెలలో రిలీజ్ చేసేందుకు మేకర్స్ సన్నాహాలు చేస్తున్నట్లు తెలుస్తోంది. జూలై 25కి వాయిదా వేయాలని మేకర్స్ డిసైడ్ అయినట్టు టాక్ నడుస్తోంది. దీనిపై అఫీషియల్ అనౌన్స్మెంట్ రావాల్సి ఉంది.
ఈసారి ఈ సినిమా వాయిదాకు మ్యూజిక్ డైరెక్టర్ అనిరుధ్ కారణమని తెలుస్తోంది. మ్యూజిక్ పనులు ఇంకా పెండింగ్లో ఉన్నాయని సమాచారం. రీరికార్డింగ్ ఇంకా ఆలస్యమవుతుందని.. అందువల్లే వాయిదా పడే అవకాశం ఉందని సమాచారం. చూడాలి మరి ఏం జరుగుతుందో.
