రాగి పాత్రలలో వండిన ఆహారం అయినా.. వాటిలో నిల్వ చేసిన నీరు అయినా శరీరానికి అనేక ప్రయోజనాలు అందిస్తాయి. చాలా మంది ప్రజలు ఎన్నో శతాబ్దాలుగా దీనిని ఉపయోగిస్తున్నారు. రాగి పాత్రలలో నిల్వ చేసిన నీరు ప్రయోజనకరంగా ఉంటుందని నిపుణులు కూడా అంటున్నారు. ఈ నీరు రోగనిరోధక శక్తిని మెరుగుపరుస్తుంది.

జీర్ణవ్యవస్థను కూడా బలపరుస్తుంది. రాగి పాత్రలో నిల్వ చేసిన నీరు గుండె, మూత్రపిండాలు, కళ్ళను సురక్షితంగా ఉంచుతుంది. ఇది యవ్వనంగా ఉంచే యాంటీ ఏజింగ్ ప్రభావాలను కూడా కలిగి ఉంటుంది. కాబట్టి, రాగి పాత్రలో నిల్వ చేసిన నీటిని తాగడం వల్ల కలిగే కలిగే ఆరోగ్య ప్రయోజనాలు ఏంటో తెలుసుకుందాం.

ప్రయోజనాలు:

జీర్ణక్రియను మెరుగుపరుస్తుంది: రాగి పాత్రలో నిల్వ చేసిన నీరు తాగడం వల్ల జీర్ణక్రియ మెరుగుపడుతుంది. కడుపు సమస్యల నుండి ఉపశమనం లభిస్తుంది. రాగి జీర్ణ ఎంజైమ్‌ల ఉత్పత్తిని ప్రేరేపించడంలో సహాయపడుతుంది. ఉబ్బరం, గ్యాస్ వంటి సమస్యలను నివారిస్తుంది.

రోగనిరోధక శక్తి బలపడుతుంది: రాగి అనేది శరీర రోగనిరోధక శక్తిని పెంచడంలో సహాయపడే ఖనిజం. రాగిలో ఉండే శోథ నిరోధక, యాంటీ బాక్టీరియల్, యాంటీవైరల్ లక్షణాలు రోగనిరోధక శక్తిని బలోపేతం చేస్తాయి.

చర్మానికి మేలు: రాగి పాత్రలో నీరు త్రాగడం వల్ల చర్మ ఛాయ మెరుగుపడుతుంది. ముడతలు తగ్గుతాయి. ఇది ఫ్రీ రాడికల్స్ వల్ల కలిగే నష్టాన్ని నివారించడంలో, ఆరోగ్యకరమైన చర్మాన్ని ప్రోత్సహించడంలో సహాయపడుతుంది.

ఇన్ఫెక్షన్ నుండి రక్షణ: రాగిలో యాంటీ బాక్టీరియల్ లక్షణాలు ఉన్నాయి. ఇవి ఇన్ఫెక్షన్‌ను నివారించడంలో సహాయపడతాయి. అలాగే, రాగి పాత్రలో నీరు త్రాగడం వల్ల కీళ్ల నొప్పుల నుండి ఉపశమనం లభిస్తుంది.

రోజంతా రాగి నీరు తాగవచ్చా?

రాగి సీసాలో నిల్వ చేసిన నీరు తాగడం ప్రయోజనకరం. కానీ అన్ని సమయాలలో కాదు. ఎందుకంటే ఇది శరీరంలో అదనపు రాగిని కలిగిస్తుంది. ఇది శరీరానికి హాని కలిగిస్తుంది. ఇది మాత్రమే కాదు.. ఈ సీసాలో ప్రతిరోజూ నీటిని నింపడం వల్ల తుప్పు పట్టడం కూడా జరుగుతుంది. ఇది సమస్యను మరింత పెంచుతుంది.

రాగి పాత్రలో నీరు త్రాగడానికి సరైన మార్గం:

రాగి పాత్రను శుభ్రంగా ఉంచడం ముఖ్యం. రాగి పాత్రలో నీటిని ఎక్కువసేపు ఉంచకూడదు. రాగి పాత్రలోని నీటిని ఉదయం ఖాళీ కడుపుతో త్రాగాలి. 15-20 రోజులు నిరంతరం రాగి పాత్రలో నీరు త్రాగిన తర్వాత, రెండు లేదా మూడు రోజులు విరామం తీసుకోండి.