చాలా మంది తమ జుట్టు మృదువుగా.. జుట్టు రాలకుండా ఉండేందుకు హెయిన్ మాస్క్‌లు వాడుతారు. అలా చేస్తే జుట్టు సమస్యలకు చెక్ పెట్టొచ్చని నమ్ముతారు. అయితే హెయిర్ మాస్క్‌లు వాడేటప్పుడు తరచుగా ప్రజలు చాలా తప్పులు చేస్తారు. హెయిర్ మాస్క్‌ను సరిగ్గా ఎలా ఉపయోగించాలో చాలా మందికి తెలియదు.

షాంపు చేసిన తర్వాత జుట్టు చాలా పొడిగా అనిపిస్తే, హెయిర్ మాస్క్ మీకు సరైన ఎంపికగా చెప్పుకోవచ్చు. హెయిర్ మాస్క్ మీ జుట్టును రక్షిస్తుంది. జుట్టుకు పోషణను అందిస్తుంది. కానీ తరచుగా హెయిర్ మాస్క్‌లను ఉపయోగిస్తున్నప్పుడు ప్రజలు చాలా తప్పులు చేస్తారు. అందువల్ల హెయిర్ మాస్క్‌ను ఉపయోగించేటప్పుడు ఏమి చేయాలి? ఏమి చేయకూడదో తెలుసుకుందాం.

హెయిర్ మాస్క్‌ను ఎంచుకోండి

జుట్టుకు అనుగుణంగా హెయిర్ మాస్క్‌ను ఎంచుకోవాలి. జుట్టుకు అనుగుణంగా హెయిర్ మాస్క్‌ను ఎంచుకుంటే, దాని నుండి మీకు చాలా ప్రయోజనాలు లభిస్తాయి.

మురికి జుట్టు

మురికి, జిగటగా ఉన్న జుట్టు మీద హెయిర్ మాస్క్‌ను ఎప్పుడూ వేయకూడదు. దాని వల్ల ఎలాంటి ప్రయోజనం ఉండదు. మురికిగా, జిగటగా ఉన్న జుట్టు హెయిర్‌లోకి మాస్క్‌ను వెల్లకుండా చేస్తుంది. అప్పుడు జుట్టుపై ఎలాంటి తేడా ఉండదు. హెయిర్ మాస్క్ జుట్టులోకి లోతుగా వెళ్లి దానిని పోషించేలా ఎల్లప్పుడూ శుభ్రమైన జుట్టుపై హెయిర్ మాస్క్‌ను ఉపయోగించండి.

జుట్టుపై మాస్క్‌ సమానంగా

హెయిర్ మాస్క్‌ను జుట్టుపై అప్లై చేస్తే సరిపోదు. అది సరిగ్గా పనిచేయడానికి, దానిని సరిగ్గా అప్లై చేయాలి. జుట్టు మధ్య పొడవు నుండి చివరల వరకు, ఎక్కువగా పొడిబారడం జరిగే చోట, మాస్క్‌ను సమానంగా వ్యాప్తి చేయడానికి చేతులు లేదా వెడల్పు దువ్వెనను ఉపయోగించాలి. అప్లై చేసిన తర్వాత, మాస్క్ బాగా పట్టిందా? లేదా అని తెలుసుకోవడానికి జుట్టును సున్నితంగా మసాజ్ చేయండి. 15-20 నిమిషాలు అలాగే ఉంచండి.

ఎక్కువసేపు అలాగే ఉంచవద్దు

హెయిర్ మాస్క్‌లలో విటమిన్లు, యాంటీఆక్సిడెంట్లు, సహజ నూనెలు ఉంటాయి. కేవలం 20-30 నిమిషాల్లో వాటి మాయాజాలం పని చేస్తుంది. వాటిని రాత్రంతా ఉంచడం హానికరం. ఎక్కువసేపు అప్లై చేయడం వల్ల మీ జుట్టు బరువుగా, జిడ్డుగా మారుతుంది. మీ జుట్టు క్యూటికల్స్‌ను దెబ్బతీస్తుంది.

వారానికి ఒకటి లేదా రెండుసార్లు

హెయిర్ మాస్క్‌లలో వెన్నలు, నూనెలు, ప్రోటీన్లు, విటమిన్లు వంటి పదార్థాలు ఉంటాయి. వాటిని తరచుగా ఉపయోగించడం వల్ల మీ జుట్టు బరువుగా, జిడ్డుగా అనిపించవచ్చు. ఓవర్ కండిషనింగ్ జుట్టు సహజ స్థితిస్థాపకతకు అంతరాయం కలిగిస్తుంది. విరిగిపోయే ప్రమాదాన్ని పెంచుతుంది. ఆరోగ్యకరమైన జుట్టు కోసం, వారానికి ఒకటి లేదా రెండుసార్లు హెయిర్ మాస్క్ ఉపయోగించండి.