శృంగార జీవితంలో సంతృప్తి అనేది ఇద్దరు భాగస్వాములకు ముఖ్యమైనది. అయితే, కొందరు పురుషులలో శీఘ్రస్ఖలనం (Premature Ejaculation) అనేది ఒక సాధారణ సమస్యగా మారి, లైంగిక సంబంధాలపై ప్రభావం చూపుతుంది. దీనిని అధిగమించి, శృంగారంలో ఎక్కువసేపు ఆనందాన్ని పొందడానికి కొన్ని చిట్కాలు ఇక్కడ ఇవ్వబడ్డాయి. ఇది కేవలం సాధారణ సమాచారం మాత్రమే, తీవ్రమైన సమస్యలు ఉన్నప్పుడు వైద్యుడిని సంప్రదించడం తప్పనిసరి.

ఫోర్‌ప్లేకు ప్రాధాన్యత

నేరుగా సంపర్కంలోకి వెళ్లకుండా, ఫోర్‌ప్లేకు ఎక్కువ సమయం కేటాయించండి. ముద్దులు, స్పర్శలు, సున్నితమైన ఆటలు భాగస్వాములిద్దరినీ మానసికంగా, శారీరకంగా సిద్ధం చేస్తాయి. ఇది పురుషుడిపై ఒత్తిడిని తగ్గిస్తుంది. భావప్రాప్తి ఆలస్యం కావడానికి సహాయపడుతుంది.

“స్టార్ట్-స్టాప్” పద్ధతి

శీఘ్రస్ఖలన సమస్యను నియంత్రించడానికి ఇది ఒక ప్రభావవంతమైన పద్ధతి. స్కలనం అవుతుందనే భావన వచ్చిన వెంటనే లైంగిక కార్యకలాపాలను ఆపివేయండి. ఉద్వేగం తగ్గిన తర్వాత మళ్లీ ప్రారంభించండి. ఇలా 3-4 సార్లు చేయడం ద్వారా మీరు స్కలనాన్ని నియంత్రించే సామర్థ్యాన్ని పెంచుకోవచ్చు.

“స్క్వీజ్” పద్ధతి

స్కలనం జరుగుతుందని అనిపించినప్పుడు, పురుషాంగం చివరను (శిశ్నగ్రం క్రింద) గట్టిగా కొన్ని సెకన్ల పాటు నొక్కండి. ఇది ఉద్వేగాన్ని తగ్గిస్తుంది. స్కలనాన్ని ఆలస్యం చేస్తుంది. 20-30 సెకన్ల తర్వాత తిరిగి కార్యకలాపాన్ని కొనసాగించవచ్చు.

శ్వాస నియంత్రణ

శృంగారం సమయంలో వేగంగా శ్వాస తీసుకోకుండా, నెమ్మదిగా, లోతైన శ్వాసను తీసుకోవడం ద్వారా ఉద్వేగాన్ని తగ్గించుకోవచ్చు. ఇది శరీరానికి విశ్రాంతినిచ్చి, నియంత్రణను పెంచుతుంది.

శృంగార భంగిమలు:

కొన్ని శృంగార భంగిమలు పురుషుడిపై ఒత్తిడిని తగ్గించి, ఎక్కువసేపు నిలిచి ఉండటానికి సహాయపడతాయి. ఉదాహరణకు.. భాగస్వామి పైన ఉన్న భంగిమ పురుషుడికి నియంత్రణను ఇస్తుంది.

వ్యాయామం

పెల్విక్ ఫ్లోర్ కండరాలను బలోపేతం చేసే వ్యాయామాలు (Kegel exercises) స్కలనాన్ని నియంత్రించడంలో సహాయపడతాయి. మూత్ర విసర్జనను ఆపినప్పుడు బిగపట్టే కండరాలనే కేగెల్ కండరాలు అంటారు. వీటిని క్రమం తప్పకుండా బిగించడం, వదలడం ద్వారా బలోపేతం చేయవచ్చు.

జీవనశైలి మార్పులు

ఆరోగ్యకరమైన ఆహారం: పౌష్టికాహారం తీసుకోవడం, ముఖ్యంగా జింక్, మెగ్నీషియం, విటమిన్ బి వంటివి లైంగిక ఆరోగ్యానికి తోడ్పడతాయి.

నిపుణుల సలహా

ఈ పద్ధతులు ప్రయత్నించినప్పటికీ సమస్య కొనసాగితే, సెక్సాలజిస్ట్ లేదా యూరాలజిస్ట్‌ను సంప్రదించడం మంచిది. వారు సమస్యకు కారణాలను గుర్తించి, సరైన చికిత్స, కౌన్సిలింగ్ లేదా మందులను సూచించగలరు. శీఘ్రస్ఖలనం అనేది సాధారణంగా చికిత్స చేయగల సమస్య, కాబట్టి నిపుణుల సహాయం తీసుకోవడానికి వెనుకాడకండి.