నడక అందరికీ ప్రయోజనకరంగా ఉంటుంది. ఇది శరీరాన్ని చురుకుగా ఉంచుతుంది. అనేక వ్యాధుల నుండి దూరంగా ఉంచుతుంది. దీనితో పాటు, బరువు కూడా నియంత్రణలో ఉంటుంది. నడక గుండె జబ్బులను దూరంగా ఉంచుతుంది. చక్కెర స్థాయి నియంత్రణలో ఉంటుంది. తద్వారా మీరు డయాబెటిస్ వంటి ప్రమాదాలను నివారించవచ్చు. కొంతమంది బరువు తగ్గడానికి నడకను తమ దినచర్యలో చేర్చుకుంటారు. అలాగే నడక కడుపు సమస్యలను దూరంగా ఉంచుతుంది.

వైద్యులు ప్రకారం.. ప్రతిరోజూ కేవలం 30 నిమిషాలు నడవడం వల్ల గుండె జబ్బుల ప్రమాదాన్ని 19 శాతం తగ్గుతుంది. నడిచినప్పుడు హృదయ స్పందనను పెంచుతుంది. రక్తం సిరల్లో వేగంగా వ్యాపిస్తుంది. ఇది రక్త ప్రసరణను పెంచుతుంది. నడక కండరాలను కూడా బలపరుస్తుంది.

వేగంగా నడవడం

నెమ్మదిగా నడవడం సాధారణ చలనశీలతకు మంచిది. కానీ కండరాలు బలమైంగా పెరగడానికి వేగాన్ని పెంచాలి. వేగంగా నడిచే దాన్ని బ్రిస్క్ వాకింగ్ అంటారు. అంటే హృదయ స్పందన రేటు పెరిగేంత వేగంగా నడవడం. నడుస్తున్నప్పుడు హృదయ స్పందన రేటును కొలవడానికి మీరు గడియారాన్ని ఉపయోగించవచ్చు. అది మీ సాధారణ హృదయ స్పందన రేటు కంటే 30 నుండి 40 బీట్‌ల వేగంగా ఉండాలి.

శ్రద్ధ వహించాలి

నడుస్తున్నప్పుడు ఎలా నడుస్తున్నామో గుర్తుంచుకోవాలి. కొన్నిసార్లు రాంగ్‌గా నడిస్తే అది మన శరీరంపై చెడు ప్రభావాన్ని చూపుతుంది. మరోవైపు సరైన భంగిమలో నడవడం వల్ల కండరాలు ఉత్తేజితమవుతాయి. పడిపోవడం లేదా జారిపోకుండా కంట్రోల్ చేయొచ్చు. నడుస్తున్నప్పుడు నేరుగా ముందుకు చూడండి. పాదాలను చూడకండి. ఫోన్‌ను మీ దగ్గర ఉంచుకోకుండా ఉండండి.

చేతులు ఊపండి

నడుస్తున్నప్పుడు మీ చేతులను ఊపడం వల్ల మీ వేగం పెరుగుతుంది. ఇది మీ భుజాలు, చేతులతో సహా మీ పై శరీరంలోని కండరాలను ఉత్తేజపరుస్తుంది. మీ మోచేతులను దాదాపు 90 డిగ్రీల వరకు వంచి, ప్రతి అడుగులోనూ మీ చేతులను ఊపండి.

పెద్ద అడుగులు

ఎక్కువసేపు నడవడం వల్ల మీ పిరుదులు, హామ్ స్ట్రింగ్స్ మరింత ప్రభావవంతంగా యాక్టివేట్ అవుతాయి. మీరు ఎక్కువగా శ్రమించకుండా ఉండండి. ఎందుకంటే ఇది అసౌకర్యాన్ని కలిగిస్తుంది. మీకు వీలైనంత సౌకర్యవంతంగా నడవండి. మీ కండరాలను ఒత్తిడి చేయకుండా వాటిని సక్రియం చేయండి. పెద్ద పెద్ద అడుగులు వేసి నడవాలి.