ప్రస్తుత కాలంలో మారుతున్న జీవనశైలి కారణంగా ఆరోగ్యం దెబ్బతింటుంది. మరీ ముఖ్యంగా గుండెపై ఎక్కువగా ప్రభావం చూపుతుంది. అనారోగ్యకరమైన జీవనశైలి, సరైన ఆహారపు అలవాట్లు, ఒత్తిడి కారణంగా గుండె సంబంధిత వ్యాధుల ప్రమాదం వేగంగా పెరుగుతోంది. అనేక నివేదికల ప్రకారం.. ఆహారపు అలవాట్లు గుండెపై ప్రత్యక్ష ప్రభావాన్ని చూపుతాయని తేలింది. అలాంటి పరిస్థితిలో గుండెకు ఆరోగ్యకరమైనవిగా భావించే 5 సూపర్ఫుడ్ల గురించి తెలుసుకుందాం.
ఆకుకూరలు
విటమిన్లు, ఖనిజాలు, ఆహార నైట్రేట్లు సమృద్ధిగా ఉండే ఆకు కూరలు ధమనులను మెరుగుపరుస్తాయి. రక్తపోటును నియంత్రిస్తాయి. దీని కోసం పాలకూర, కాలే, బ్రోకలీ, కొల్లార్డ్ గ్రీన్స్ వంటి ఆకుకూరలను ఆహారంలో చేర్చుకోవచ్చు.
బెర్రీలు
బ్లూబెర్రీస్, స్ట్రాబెర్రీస్, యాపిల్స్, నారింజ వంటి పండ్లలో ఆంథోసైనిన్స్ అనే యాంటీఆక్సిడెంట్లు ఉంటాయి. ఇవి మంటను తగ్గించి మానసిక స్థితిని మెరుగుపరుస్తాయి. ముఖ్యంగా నారింజ వంటి పండ్లలో ఫైబర్, విటమిన్ సి ఉంటాయి. ఇవి చెడు కొలెస్ట్రాల్ (LDL) ను తగ్గించడంలో సహాయపడతాయి.
తృణధాన్యాలు
తృణధాన్యాలలో ఫైబర్, విటమిన్ బి, గుండె ఆరోగ్యాన్ని మెరుగుపరిచే అనేక ముఖ్యమైన ఖనిజాలు ఉంటాయి. ఈ ధాన్యాలు రక్తపోటును నియంత్రిస్తాయి. చెడు కొలెస్ట్రాల్ను తగ్గించడంలో సహాయపడతాయి.
గింజలు, విత్తనాలు, నూనెలు
గింజలు, విత్తనాలు రెండింటిలోనూ కొలెస్ట్రాల్ను తగ్గించడంలో సహాయపడే అసంతృప్త కొవ్వులు, ఫైబర్, మొక్కల స్టెరాల్స్ పుష్కలంగా ఉంటాయి. ఆలివ్ నూనె, అవకాడోలో మోనోఅన్శాచురేటెడ్ కొవ్వులు, యాంటీఆక్సిడెంట్లు ఉంటాయి. ఇవి గుండె ఆరోగ్యానికి మంచివిగా పరిగణించబడతాయి. గుండెను ఆరోగ్యంగా ఉంచడానికి చియా గింజలు, వాల్నట్లు, అవిసె గింజలు, అవకాడోలనుఆహారంలో చేర్చుకోవాలి.
కొవ్వు చేప
సాల్మన్, మాకేరెల్, ట్రౌట్ లేదా సార్డిన్స్ వంటి కొవ్వు చేపలు ఒమేగా-3 కొవ్వు ఆమ్లాలతో సమృద్ధిగా ఉంటాయి. ఇవి శరీరంలో మంటను తగ్గిస్తుంది. గుండె ఆరోగ్యాన్ని మెరుగుపరుస్తుంది. వారానికి కనీసం రెండుసార్లు చేపలు తినాలి.
